ايمان سوهاج
المساهمات : 139 تاريخ التسجيل : 05/02/2008
| موضوع: انا والكتاب وكيس الطماطم.....مطلوب رد من الرجال الأربعاء أبريل 30, 2008 8:10 am | |
| نحن -طبقة المثقفين- لو جاز التعبير او حتى انصاف مثقفين او اشباه مثقفين او عاملين نفسنا مثقفين
يا ترى نقدر نجمع بين الكتاب و كيس الطماطم؟؟؟؟؟؟؟؟؟؟
و الكتاب هنا هو كناية عن عالم الرقى الفكرى الذى نحياه و عالم جلسات الفكر و النقاش و الحوارات الفلسفية و قضايا الأمة و السياسة و الأدب و الدين
و كيس الطماطم بقى هو أرض الواقع الذى نحيا عليه
يا ترى ممكن تكون الصبح فى ندوة فكرية ثقافية و و انت مروح تشترى لمراتك الكام كيلو طماطم اللى طلبتهم و حزمة الفجل و الجرجير
ما حدش فهم طيب أوضح اكتر
كل ما اتكلم مع حد و اذكر اننى اتمنى الزواج من رجل مفكر ذو ثقافة و عقلية من الوزن التقيل
الاقى الرد مفحم يبقى مش هتلاقى اللى يشترى لك العيش و اللبن
النوع دة من الرجال لا يعرف معنى مسؤلية لا يتخيل نفسه يحمل كيس طماطم و يجرى على عيل سخن عند الدكتور
هو فى برجه العاجى
يا ترى دى حقيقة؟؟؟؟؟؟؟؟؟ صعب يجتمع فى الرجل الصفتين؟
و اللا اتجوز واحد ما بيفهمش فى التور و اللا الطحين(معرفش هى كدة صح و اللا بتتقال حاجة تانية) بس فاهم مسؤلية اسرة و بيت و مصروف؟؟؟؟؟؟؟
عايزين رجالة ترد و تدافع عن نفسها
| |
|
DiESEL
المساهمات : 108 تاريخ التسجيل : 18/03/2008
| موضوع: رد: انا والكتاب وكيس الطماطم.....مطلوب رد من الرجال الجمعة مايو 02, 2008 4:08 pm | |
| موضوع جميل ومهم أنا ليا تعقيبين على هذا الموضوع أولا :: لو حضرتك يا دكتوره إيمان أطلقتي على نفسك لقب " أنصاف مثقفين أو أشباه مثقفين أو عاملين نفسنا مثقفين " إذا نحن نطلق على أنفسنا لقب " الجهلاء أو الأميين " ثانيا :: ليه نفصل بين الرجل المثقف والرجل الطبيعي هوا مينفعش يكون الاثنين أكيد الرجل المثقف لما كان عايش في بيت أهله قبل ما يتجوز كان ممكن يجيب طماطم وفجل وجرجير وأي حاجة ممكن أهله يطلبوها منه * يبقى هيتغير ليه لما يتجوز ...؟؟؟وأعتقد يرضه أن الرجل المثقف هيجرى على عيل سخن عند الدكتور زى الرجل الطبيعي يرضه دى ملهاش دخل بعاطفة الأبوة دا يمكن ثقافته تخليه فاهم معنى الابوه أفضل *أكيد الثقافة مش هتأثر على مشاعره ...؟؟؟وأخيرا قدوتنا مين سيد المثقفين الرسول صلى الله عليه وسلم ربنا ببقول بسم الله الرحمن الرحيم {لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً }الأحزاب21 هو أكثر البشر ثقافتا وأيضا كان رجل طبيعي **وهل معنى كده أنى لو أتجوزت واحدة " مثقفه " مش هتعرف تربى أولادي ؟؟؟؟يا ريت مكنش زعلت حد بكلامي دا رأيي الشخصي المتواضع أحمد طه | |
|
ايمان سوهاج
المساهمات : 139 تاريخ التسجيل : 05/02/2008
| موضوع: رد: انا والكتاب وكيس الطماطم.....مطلوب رد من الرجال السبت مايو 03, 2008 6:57 am | |
| السلام عليكم
اولا بشكرك على ردك يا استاذ احمد
وعموما دى وجهة نظرك.........والخلاف في الراى لا يفسد للود قضية
انا بطرح الموضوع بس علشان اشوف الآراء
واكيد هيحصل اختلاف في الراى
عموما بشكرك مرة اخرى | |
|