منتدى الاستاذ

منتدى تعليمى خاص بالناحية التعليمية والتربوية
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 معاكسات البنات ليه؟؟؟؟؟؟؟!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمان سوهاج

avatar

المساهمات : 139
تاريخ التسجيل : 05/02/2008

مُساهمةموضوع: معاكسات البنات ليه؟؟؟؟؟؟؟!!!!   السبت مايو 17, 2008 8:04 am

سخافات معاكسة الشباب للبنات

في الحي الشعبي ..بسبس

في الحي الراقي . . توت..تيت..تات



طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد

تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة

وهي بكل أنواعها وصورها اعتداء على استقلالية وخصوصية الآخر . . طبعا في أولاد

دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب

الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات

أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد

تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة

غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن

عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .

المعاكسات كمان بتفرق حسب طبيعة المكان بحكم البيئة والتركيبة الاجتماعية يعني

ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "

بصراحة أحلى واحدة اللي لابسه جزمة حمرا" وهكذا .

وممكن نلاقي في الأماكن الهاي شوية من ناحية الفلوس يعني مش من ناحية السلوك ..

البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته

ويمشي بجانب البنت ويفتح أي حوار وكأنه فعلا عارف البنت حقارة طبعا .

أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان

معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن

تلاقي رسالة إعجاب على الموبايل أو رسالة تهديد وطبعا مرسلة من على النت علشان ما

نعرفش مين اللي باعت . . أو تصور البنات وهما قاعدين في كافيه من الموبايلات وطبعا

يتباهى البيه إنهن صحباته والأنتيم كمان .


* رأي البنات

تقول شريهان محمود بكالوريوس رياض أطفال :أكره المعاكسات موت وبكره أكتر الرأي

اللي بيقول البنات تحب تتعاكس يعني هي البنت هتعرف قيمة نفسها من كلام واحد

فاضي واقف على ناصية أو بيلف شوية بعربيته ، كلام صعب طبعا وبعدين اشمعنى

ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .

أما سامية فؤاد محاسبة فتقول : والله معظم مرتبي بصرفه في تاكسيات المخصوص

علشان أرحم نفسي من شباب النواصي وبعدين أنا مش عارفة البوليس فين منهم وفين

سيارات الدورية الراكبة ماهو كل ده برضه ممكن يضمن سلامة البنات في الشارع .

وتقول شذا متولي : بصراحة أنا ما بحبش المعاكسة لكني فاكرة ان شاب عاكسني

فضحكت وكان طبعا غصب عني لاقيته خارج من زجاج عربيته وبيقولي . . أكيد ماما كان

نحلة علشان تخلف العسل ده . . ومرة تانية كنت لابسة طقم احمر ولاقيت مجموعة شباب

زفوني أهلي . . أهلي .

وتقول إيناس بدري معدة إذاعية

الفراغ يعمل أكتر من كده وبعدين المعاكسات دي نوع من أنواع البجاحة والتعدي ع

حرية الآخرين والتطاول عليهم فعلا عايزين قانون يغلظ من عقوبة المعاكسات التي

انتشرت مفزع داخل شوارعنا .

أما كامليا رائد 25 سنة فتقول : كنت مرة مع ماما خارجين وبعدين لفت نظر ماما واحد قد

والدي في السن بيراقبنا في الرايحة والجاية وبدأ في معاكستي واستفزازي فما كان من

ماما إلا أنها خافت جدا وأخدت رقم العربية واتجهت إلى أقرب قسم شرطة وحررت ل

محضرا وهنا تم استدعاؤه لكنه طلع راجل مسئول وواصل قوي وطبعا اتقلب المحضر ضدنا

وطلعنا احنا اللي بنعاكسه ودفعنا غرامة مالية بعد أن قرر التنازل ومن ساعتها بتعاكس ولا

بقول كلمة واحدة ياللا خلي الشباب يعيش علشان خاطر مراهقة المسئولين اللي زيه .


* رأي الشباب

طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .

أحمد سالم - مرشد سياحي - يقول ك

طبعا ملبس البنت يستفزنا ( واخدين بالكم المعاكسة اضطرار ) قلت الملبس ده حرية

شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس .

فهمي فؤاد .. دكتور صيدلي - يقول : أنا شخصيا ضد المعاكسات . . يعني ايه أعاكس بنت

بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد

على المعاكسة بيعاكس حتى المحجبات أنا عندي صديق غاوي يعاكس المنقبات . .ده

سلوك فردي لا يحركه تصرف الغير . . دي مبررات خايبة للشباب المستهتر .

محمود رحيم .. معهد تكنولوجيا يقول : احناما بنفرقش في المعاكسه بين محجبة وغير

محجبة المعاكسة روشنة بنعملها أثناء تجمعاتنا الشبابية . .يعني بنساعد بيها بعض . . لكن

لما اكون بمفردي مش ممكن أعاكس !!

عايزة رأيكمممممممممممم...................

منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DiESEL

avatar

المساهمات : 108
تاريخ التسجيل : 18/03/2008

مُساهمةموضوع: رد: معاكسات البنات ليه؟؟؟؟؟؟؟!!!!   الإثنين مايو 26, 2008 4:21 pm


بجد والله ... موضوع جبار .... هذا أقل ما يوصف بيه

هيا دى المواضيع اللى بجد ... شكرا د/ إيمان على طرح مثل هذه المواضيع المهمة

اما رأيى الشخصى Cool

المعاكسات مش مرتبطه بمكان أو زمان لكنها مرتبطه بتجمعات الشباب
بمعنى أن الشباب بيحبوا يرسموا نفسهم أدام بعض ( على أساس أن الواحد فيهم مقطع السمكة وديلها "لا دا مقطع كيلو سمك" ) يعنى المعاكسة لزوم المنظرة

وبرضه الفراغ عامل كبير فى الموضوع ده لو الشاب مشغول مش هيلاقى وقت للكلام الفاضى ده
وأخيرا أكبر سبب لتفشى ظاهرة المعاكسة هيا البعد عن طريق الله لو الأنسان ماشى بما يرضى الله عمرة ماهيعمل حاجة غلط زى كدة لانه عارف أن كما تدين تدان .

" وأنا شايف أن البنت لو لابسة كويس وماشية محترمه عمرة ما حد هيديقها لكن لبس مكشوف وديق وهزار بين البنات وبعضهم فى الشارع الحاجات دى هتشد الشباب اللى مش مزبوط أنه يديقهم... أما أن البنات هيا اللى بتعاكس الولاد دى لسة ماأنتشرتش فى الصعيد بس أحنا بنتمنى أنها متنتشرش ... الرجالة هتخاف تطلع من بيوتها خوفا على أنفسهم من معاكسات النساء.. Laughing Laughing Laughing Laughing Laughing

أنا عارف أنى طولت عليكم بس أصلى الموضوع مهم
santa D i E S E L king
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.filgoal.com
ايمان سوهاج

avatar

المساهمات : 139
تاريخ التسجيل : 05/02/2008

مُساهمةموضوع: رد: معاكسات البنات ليه؟؟؟؟؟؟؟!!!!   الأربعاء مايو 28, 2008 6:14 am

السلام عليكم ورحمة الله

ازيك يا ا/ احمد

كويس انك لحقت الموضوع قبل ما مدة صلاحيته تنتهى Very Happy Very Happy

وعندك حق طبعا فى اللى قولته

ربنا يهدي الشباب والبنات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
معتز الحسينى



المساهمات : 4
تاريخ التسجيل : 30/04/2008
العمر : 30

مُساهمةموضوع: رد: معاكسات البنات ليه؟؟؟؟؟؟؟!!!!   الإثنين يونيو 09, 2008 10:28 am

السلام عليكم ورحمه الله وبركاته
اولا احب اقول للاخت ايمان ان الموضوع ده مش بسيط
ده فى شريعتنا الاسلاميه ما يسمى بالزنا اى ان العين تزنى واللسان ايضا
والشباب مبيعرفش ان ده تكم الشيطان فيهم ولو اى حد قال لهم روح استغفر ربك واتوضه وصلى هايقولك "فويل للمصلين" يا اخى انته اخدت الى ليك وانسيت العليك انته نسيت :الذين هم عن صلاتهم ساهون"
ولا انته فاكر ان الشيطان معاك فى النار دا انته اول ما تدخل على باب النار هاتقله تعالا معايا مش انته الى خلتنى اعمل كذا وكذا
هايرد ويقول انا حطيتك على اول طريق الغلط وسبتك ومليش دعوه بيك
يعنى ورطك وسابك يامعلم تشوشو فى جهنم وهو يبص عليك ويدحك عليك
وشكرا اخوتى فى على مروركم
اخوكم فى الله
معتز الحسينى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ايمان سوهاج

avatar

المساهمات : 139
تاريخ التسجيل : 05/02/2008

مُساهمةموضوع: رد: معاكسات البنات ليه؟؟؟؟؟؟؟!!!!   السبت يونيو 14, 2008 5:41 am

السلام عليكم ورحمة الله

اشكرك يا استاذ معتز على رايك دة.........

وفعلا لو كل واحد فكر فى حساب الاخرة..........

كانت الدنيا بقت جنة

شكرا ليك يا اخى مرة اخرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمر قنديل

avatar

المساهمات : 41
تاريخ التسجيل : 17/03/2008

مُساهمةموضوع: رد: معاكسات البنات ليه؟؟؟؟؟؟؟!!!!   الجمعة أغسطس 01, 2008 2:44 pm

بسم الله الرحمن الرحيم


السلام عليكم ورحمه الله وبركاته


(عن مالك ان معاذ بن جبل قال آخر ما أوصاني به رسول الله صلى الله عليه وسلم حين وضعت رجلي في الغرز ان قال أحسن خلقك للناس يا معاذ بن جبل )كتاب الموطأ لامام مالك


وهذا الحديث موجه الي الشباب الذين يقومون بفعل هذه الافعال واقول لهم اتقوا الله وارجعوا الي سنه رسولكم الكريم صلي الله عليه وسلم

واقول لمن يعاكس (اترضاه لامك؟) اترضاه لاختك ؟ اترضاه لعمتك ؟


وانا متأكد انه سيقول لا لا لا


وانا اقول لك فكل انسان مسلم غيور يقول لا والف لا


واسمع لهذا الحديث الشريف (حدثنا قتيبة بن سعيد، ثنا يعقوب يعني الإِسكندراني عن



عمرو، عن المطلب، عن عائشة رحمها اللّه قالت:


سمعت رسول اللّه صلى اللّه عليه وسلم يقول: "(إن المؤمن ليدرك بحسن خلقه درجة


الصاائم القائم)".




واقول للفتيات قال تعالي (ولا يخضعن بالقول فيطمع الذي في قلبه مرض )


وما اكثر مرضي القلوب في عصرنا هذا نسأل الله العافيه


يافتيات المسلمين يامن امكم (خديجه ) والطاهره (عائشه) فاين انتن من امهاتكم

فااتقو الله في شباب المسلمين وشكرا ياد/ايمان


والسلام عليكم ورحمه الله وبركاته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.islamway.com
ايمان سوهاج

avatar

المساهمات : 139
تاريخ التسجيل : 05/02/2008

مُساهمةموضوع: رد: معاكسات البنات ليه؟؟؟؟؟؟؟!!!!   الأحد أغسطس 10, 2008 2:10 pm

السلام عليكم ورحمة الله وبركاته

شكرا ليك يا د/ عمر على الرد المدعم بالاحاديث الشريفه


وربنا يهدى شباب وفتيات المسلمين للخير ان شاء الله


وعودة مباركة للمنتدى

عقبال بقية الاعضاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
معاكسات البنات ليه؟؟؟؟؟؟؟!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاستاذ :: المنتديات الفرعية :: منتدى المرأه العربية-
انتقل الى: