الستات فى مصر لازم يحمدوا ربنا على اللى هما فيه

المساهمات : 108 تاريخ التسجيل : 18/03/2008

بنوع من السخرية والمرح في ذات الوقت أشار أحد أصدقائي في رد فعله عندما حاولت أحد السيدات تخطى الإشارة المرورية بسيارتها " الرياضية الفارهه موديل 2015 " بطريقة بهلوانية لا نراها إلا في حلبات سباقات الفورميلا وان أو الراليات الدولية وطبعا عملت ربكة مرورية في المكان " والواحد كان متأخر أساسا " طبعا التقاطع المروري الذي شهد هذه الحادثة عمته الفوضى وإتأخرنا زيادة .........المهم

الناس اللي في المكان كانت ردود أفعالهم مختلفة كانت الناس متضايقة وزعلانة من الفوضى وناس إعتبرت الموقف عادى أما الموقف المضحك حقا إني أنا كنت معجب بهذه الحركة العجيبة اللي أول مرة أراها على الواقع دايما كنت بشوفها على التليفزيون وزاد إعجابى أنها من بنت مش ولد وكان رد فعلى إنى قمت سقفت وطبعا البنات إلى كانوا في العربية اللي جنبنا كان رد فعلهم زى تماما واللي بتسوق منهم قعدت تلعب بنور عربيتها مظهره إعجابه ومؤازرتها لأختها حواء

تقدروا تتوقعوا رد فعل صاحبي كان أيه :: في قمة غضبة لأنه كان خايف على عربيته من تهور البنت والى خلاه هيفرقع أنى إستفزيته لما قلتله تعرف تعمل زيها ؟؟ قلى لولا أنها بنت أنا كنت عرفتها مقامها وكنت سبقتها لأخر الشارع أنا رديت وقولت كانت برضو هتسبقك وتفوز
طبعا متخيلتش رد فعله وكان قاسى وقف العربية على جنب وقلى أنت مش واقف معاها ضدى أبقى شوف مين يوصلك مشوارك ....!!!!!!
ونظرا لأني معرفش أسم الشارع اللى كنا فيه ولا إزاى أوصل مشواري لأني معرفش كل شوارع القاهرة
قلتله خلاص ياسيدى أنت كنت هتسبقها وتفوز ..... وبعد المحايله كملنا المشوار.....

** الجملة اللى قالها وخلتني انشر الموضوع ده أنه قال " الستات فى مصر لازم يحمدوا ربنا على اللى هما فيه دول خدوا حقهم وزيادة أنت عارف فى السعوديه الستات ملهمش الحق فى إستخراج رخصة قياده واللى عايزة تسوق عربيه لازم تطلع رخصة دولية من أي بلد من البلاد المجاورة وتسوق عربيتها فى أى مكان خارج السعودية مش داخلها "

عارفين يا جماعة أن كلامه عن المرأة فى السعودية حقيقي .... بالرغم من أن السيدات اللي بيقودوا سيارات فى مصر كتروا جدا الموضوع ده ظاهر جدا فى القاهرة والاسكندرية ولكنه بدأ فى الانتشار بصورة واضحة فى الآونة الأخيرة فى الصعيد

والغريب فى الموضوع أن الأعمار السنية للسيدات الذين يقودوا السيارات فى مصر تتراوح نسبة أكثر من 70% منهم تتراوح متوسط أعمارهم ما بين 18 و 35 سنة

يبقى من الطبيعي أننا في يوم من الأيام سنجد أحد السائقات التي تحمل أسم مصر فى أحد الراليات أو السباقات العالمية
وأنا بقولها أنى فى ناس كتير هتشجعك .....

santa

DiESEL

المساهمات : 8 تاريخ التسجيل : 31/03/2008

اولا احمد ربنا انك روحت ولكن لحد امتى هنسيب الستات على راحتهم ولحد امتى هنسيبهم يعملوا الا هما عايزينوا .....! ربنا يستر علينا احنا معشر الرجال

المساهمات : 139 تاريخ التسجيل : 05/02/2008

ايه ده؟؟؟؟؟؟؟؟؟؟

عموما الحمد للله.........على كل شىء

بس بجد.....مش معنى الموقف ده ان المرأة في نعيم

لسة النساء ما اخدوش حقهم بالكامل

والنساء قادموووووووون

بس ربنا معانا..........

المساهمات : 41 تاريخ التسجيل : 17/03/2008

بسم الله الرحمن الرحيم

علشان الستات يعرفوا انهم مدلعين علي الاخر وعلي فكره

هن اخذن حقوقيهن وزياده وربنا يستر علي الرجاله في هذا الزمن العجيب واحب اقول

للدكتوره ايمان اللي بتقول ان الستات مخدوش حقهم بالكامل هو ورث ؟؟؟؟؟ طيب ممكن

اعرف ايه الشي اللي احنا زياده عنكم وعايزين تاخدوه