موضوع مهم جدا جدا (اريد رأيك)

بسم الله الرحمن الرحيم

اود ان اطرح موضوع إستفتاء للاعضاء بهذا المنتدى وهم ذوى خبرة فى مجال الموضوع

السؤال هو هل ياخذ الحاصل على درجه علميه التقدير الإجتماعى من المجتمع ام لا ؟

هل حصل معك او أمامك الموقف التالى ان تكون مع أحد أصدقائك الحاصلين على دكتوراة او درجة علميه اخرى ايا كانت وقابلكم شخص ما وعندما تقوم بتقديم صديقك الدكتور فتقول له مثلا
(اقدم لك دكتور احمد - فيرد الشخص الاخر : أهلا وسهلا وحضرتك تخصص أيه ؟ -فيرد الدكتور ضاحكا لا انا وأخد دكتوراه فى القانون الدولى - فيرد الاخر يعنى حضرتك فاتح عياده ولا ايه ويعم الضحك...) طبعا ده وصف ساخر للموقف ومبيحصلش كتير لكنه بيحصل فى بعض الاوقات مع بعض الناس
* اللى عايز اقوله ان الدرجه العلميه بالرغم من اهميتها إلا إن الناس لاتقدر الحاصل عليها حق تقديره إلا إذا كان يعمل بالجامعة ( فيقوللك : دا أستاذ بالجامعة ) هنا تتفهم صح .
ولكن ايه وضع الناس اللى معاها دكتوراه بس مش شغاله فى الجامعة..؟؟

لو فكرنا شويه بهدوء وبتأنى ... تعالوا نحسبها...
الشخص اللى حصل على درجة الدكتوراه ،او ماجستير ،او حتى دبلومة
تعب اد ايه علشان يحصل على الدرجه دى : زاكر اد ايه ،سافر اد ايه علشان يجيب كتب ويبحث عن كتب او يحضر محاضرة لدكتور هنا ولاهناك ، سهر اد ايه يبحث فى الكتب ويذاكر ...كان خايف اد ايه لما جه يناقش الرسالة اللى عملها وتعب فيها او لما جه يمتحن .. فرح اد ايه لما اللى بيناقشوه انصفوه وادوه على اد تعبه ومجهوده وقدروه حقه ..، زعل اد ايه لما الناس اللى بتناقشه خذلوه وأدوه اقل من حقه بكتير علشان ليهم مصالح فى كده..!!

لو حسبنا ده كله طبعا لازم ندى الراجل ده حقه ونبصله بنظرة إجلال وتقدير..

[ هذا الموضوع نظره شخصيه للكاتب ]