موضوع: والله مظلوم يا صعيد الأحد أبريل 13, 2008 6:43 am
(مظلوم يا صعيد ) العنوان ده مستوحى من تعليق معلق سوداني على أحد المباريات التي لعبها منتخب السودان وبالرغم من هزيمة منتخب السودان بنتيجة كبيرة إلا أن المعلق ظل يردد جملة ( والله كبير يا سودان )
أما بالنسبة للصعيد فبالرغم من انه مظلوم فى حاجات كتير جدا إلا أنى هتكلم بس عن الجانب الرياضي وبالتحديد عن ( محافظة سوهاج )
بالرغم من إن التطوير بدأ في جميع مجالات الحياة فى شتى أنحاء الصعيد للنهوض بمستواه وهذا شئ ملحوظ إلا أن الحاله فى مجال الرياضة في سوهاج تتجه من السيئ إلى الاسوء
** زمان يمكن من 10 سنوات كان فى أماكن ونوادى بتمارس بعض أنواع الرياضات المختلفه لكننا كنا راضيين وفرحنيين بالوضع ده ولكن فى الوقت الحالى تغير الوضع تماما أختلف الحال النوادى بتاعت زمان إنقرضت اللى قفل واللى بيجددوه ليه دلوقتى 10 سنين بيتجدد واللى حولوه لصالات أفراح والغريب فى الموضوع أن الناس ملاحظه الوضع بيتغير ومحدش منهم إتكلم أو قال حاجه .
تخيلوا يا عالم ان حد يروح يلعب كورة على ملعب من البلاط (ده المتاح حاليا ) يرجع مكسور او متعور وواخد غرز ، او أنه يروح يلعب على إستاد من النجيله ( وده شيئ كويس جدا ) ولكنه يرجع عاضه ثعبان أو عقرب (ده إن رجع)
أما بالنسبه لحمام السباحة الاولمبي .. الموجود بإستاد سوهاج الرياضي.. ده كان زمان كل ما حد ينزله يتعور فى رجليه فالجماعة المسؤلين (الله يبارك لهم ) خافوا على الناس وقرروا أنهم يغيروا البلاط وطبعا قفلوا الحمام للتجديدات وده كان مش فاكر سنة كام يمكن من سبع تمن تسع سنين ويمكن أكتر
ده طبعا غير نادي الكارتييه إللى أتحول لأغلى صالة أفراح في البلد ، وملعب كرة السلة إللى أتحول لكافيه وصالة أفراح وأسمه على اسم أغنيه للسيدة فيروز ( ياسلام ) ...!!!
دلوقتى أنا عايز أقولكم على بعض المواهب اللي أنا شفتها لو فيه حد كان ساعدهم زمان كانوا بقوا نجووم
1- شاب محترف في لعبة تنس الطاولة (لكن مفيش نصيب) وطبعا في ظل عدم الاهتمام الموجود لدينا غمرت موهبته الدفينة وهتروح مع الزمن " ليه " علشان مفيش صالات للعبه أو دورات إقليميه لاختيار النجوم والغريب في الموضوع أنهم بيطلقوا عليه المصري ...!!!
2- في شاب صادفته مؤخرا طوله يعدى 2 متر بكتير وشغال مهندس كمبيوتر أنا واثق إن لو إحنا في القاهرة مثلا كان زمانه من أشهر لاعبي السلة في مصر وأفريقيا وأعتقد أن عنده مؤشرات الموهبة ( بدل مهوا قاعد يزل في البني أدمين بطوله ) .
3- فريق الكرة الخماسية المسمى بفريق عبد الله وهبي الدولي ودول كانوا بيلعبوا في إستاد عبد الله وهبي الدولي ( ودي مدرسه إبتدائى ) لحد ما ييجى عم محمد (مسئول الأمن ) ويصفر صافرة النهاية . دول عبارة عن خمس شبان موهوبين : ( mido ) حارس مرمى فظيع ، ( AMTa ) ولد في الدفاع زى الديزل ملوش حل محدش يعدى منه. . ضربات هد متخيبش الجول وقوة جسمانية جبارة ، ( semsem ) ده الوحيد اللي أتيحت له الفرصة لإظهار مستواه في بطولة الجمهورية لكليات الصيدلة خد المركز الثالث في ظل التحكيم المتحيز ضد الصعيد ، ( esian ) ده عنده كل الفنيات التي تحتاجها اللعبة والتي لا تحتاجها اللعبة وعليه سمانة 200 سم ، وأخيرا الوحيد اللي المفروض يمثل مصر أحسن تمثيل ويحصد الجوائز الأولى والميداليات الذهبية في أولمبياد المعوقين وذوى الاحتياجات الخاصة ( somaa ) بالرغم من إعاقته إلا إنهم بيلعبوه كمهاجم لرفع روحه المعنوية .
وطبعا فيه كتير زى كده ناس كتير عندهم الموهبة ومفيش العين اللي تقدر تكتشفهم بس دى الحالات اللي رصدتها أنا والدكتور / محمد صلاح الناس دى محتاجه حد يقدر يغير الأوضاع اللي بتسوء كده الأجيال الجايه مش هتلاقى نادي تمارس فيه لعبتها المفضلة وطبعا في محافظات زى أسيوط والمنيا بدأت تزدهر فيها النوادي والأماكن الرياضية وأيضا توجد محافظات أخرى ممكن تكون زى سوهاج أو أسوء... ولكن هل سيأتي اليوم الذي نرى فيه سوهاج والصعيد ككل مثل بقية المحافظات من الجانب الرياضي ؟؟؟
أحمد طه
[/center]
ايمان سوهاج
المساهمات : 139 تاريخ التسجيل : 05/02/2008
موضوع: رد: والله مظلوم يا صعيد الإثنين أبريل 14, 2008 6:07 am
السلام عليكم
الموضوع رائع يا استاذ احمد والله
وعندك حق في كل اللى قولته
بس حال البلد تعبان في كل حاجة
والناس فى الصعيد بالذات بتعتبر ان الرياضة ترفيه
علشان كدة ما فيش اهتمام........
ربنا يصلح الحال ان شاء الله
مصطفى اسماعيل
المساهمات : 8 تاريخ التسجيل : 31/03/2008
موضوع: رد: والله مظلوم يا صعيد الإثنين أبريل 14, 2008 6:32 am
[b]اولا انا بشكرك علشان انت اظهرت مواهب بلدك على الرغم من انك اخفيت ناس كتير موهبين انت عارفهم وظلمت ناس كان من الممكن انك ترفع من مستواهم الرياضى
لكن فى النهاية ربنا يوافقك ويجعلك تمتعنا كمان وكمان
MOHAMED SALAH
المساهمات : 15 تاريخ التسجيل : 17/03/2008
موضوع: رد: والله مظلوم يا صعيد الإثنين أبريل 14, 2008 7:39 pm
ياااااااااااااااااه
يا أبو طه
فكرتني بأيام زمان أيام استاد عبدالله وهبي الدولي
كان الواحد منويل جوزيه بتاعكم
كان في واحد مطلع عيني"معاق" مش بيسمع التعليمات
أكيد انت فاكره
بعته للزمالك ببلاش
راح خرب الزمالك أكتر و أكتر
عمر قنديل
المساهمات : 41 تاريخ التسجيل : 17/03/2008
موضوع: رد: والله مظلوم يا صعيد الأربعاء أبريل 16, 2008 8:02 am